«Հարազատները գնում են հոսպիտալ՝ Էրիկի վիրավոր եղբորից տեղեկություն ստանալու և այդտեղ էլ իմանում են Էրիկի զոհվելու մասին»․ Ա․ Գևորգյան

«Հարազատները գնում են հոսպիտալ՝ Էրիկի վիրավոր եղբորից տեղեկություն ստանալու և այդտեղ էլ իմանում են Էրիկի զոհվելու մասին»․ Ա․ Գևորգյան

Բլոգեր, խմբագիր Արամ Գևորգյանը ֆեյսբուքյան իր էջում գրում է. «Այսօր Հաջիկյան Էրիկի հիշատակի օրն էր։ Մեկ տարի առաջ այս օրը, Իշխանաձորի մատույցներում անօդաչուի հարվածից զոհվեց Էրիկը։ Ճակատագրի հեգնանքով նույն օրը վիրավորվում է Էրիկի 2 ամսվա զինծառայող եղբայրը։ Հարազատները գնում են Խնձորեսկի հոսպիտալ վիրավոր որդու մասին տեղեկություն ստանալու և հենց այդտեղ էլ իմանում են Էրիկի զոհվելու մասին։
Վանաձորի գերեզմանատունն այսօր մարդաշատ էր։ Հարազատները, ընկերներն ու բարեկամները հավաքվել էին Էրիկի մոտ։ Հավաքվել էին հիշելու իրենց կենսուրախ ընկերոջը, հավատարիմ զինակցին ու պարզապես երիտասարդ մի տղայի, ով հայրենի հողի պաշտպանության համար չխնայեց իր 19-ամյա կյանքը։
Հիշատակդ վառ, Էրիկ ջան։ Քեզ միշտ հիշելու ենք։ Դու միշտ կաս, դու ողջերից էլ ողջ ես։ Հավերժ փառք քեզ»։

Աղբյուրը` Արամ Գևորգյան

(Visited 58 times, 1 visits today)
Понравилась статья? Поделиться с друзьями: