Գարիկ Սեփխանյանը կեղծ պատվաստման իր գրառման մասին

Armtimes.com-ը գրում է․ «Ֆուլ Հաուս» սիթքոմից հայտնի դերասան Գարիկ Սեփխանյանը երեկ ֆեյսբուքյան իր էջի սթորի բաժնում հրապարակում էր արել, որտեղ հարցնում էր՝ ով կարող է իմանալ՝ որտե՞ղ են կեղծ պատվաստում անում մատչելի:


Դերասանի այս հրապարակումը տարատեսակ մեկնաբանությունների տեղիք ու քննարկման առիթ էր դարձել: Մինչդեռ Գարիկն ընդամենը կատակ է արել: «Հայկական ժամանակի» հետ զրույցում նա ասաց, որ դա ուղղակի հումոր է եղել: «Սարկազմով եմ դա գրել, մի՞ թե պարզ չէ»,- ծիծաղելով ասաց նա:

Գարիկը նաեւ նշեց, որ բազմաթիվ նամակներ է ստացել, որտեղ մարդիկ խնդրել են կեղծ պատվաստում անողի տեղ ասել. «Անկեղծ եմ ասում՝ երեւի մի 200 հատ նամակ եմ ստացել, ասում էին, որ իմանաք, մեզ էլ ասեք»:

Հարցին՝ գրառումից հետո իրավապահ մարմիններից արձագանք չի՞ ստացել, դերասանը կատակելով ասաց. «Դեռ չէ, եթե վաղը զանգեք, անհասանելի լինեմ, ուրեմն ԱԱԾ նկուղում եմ»:

Գարիկը նաեւ նշեց, որ դեռ չի պատվաստվել, սակայն առաջիկայում պատրաստվում է, որպեսզի ավելի պաշտպանված լինի:

(Visited 76 times, 1 visits today)
Понравилась статья? Поделиться с друзьями: