Ռուսաստանը 2019թ. Հայաստանի և Ադրբեջանի բարի կամքի դրսևորման դեպքում Լեռնային Ղարաբաղի հակամարտության կարգավորման հարցում առաջընթացի հույս ունի: Այս մասին տարվա ամփոփիչ ասուլիսի ժամանակ հայտարարել է ՌԴ ԱԳ նախարար Սերգեյ Լավրովը:
«Անցած տարին Հայաստանում իշխանափոխություն տեղի ունեցավ, այդ իսկ պատճառով այն, ինչ վերաբերում է Լեռնային Ղարաբաղի հակամարտության կարգավորման հարցով համանախագահների աշխատանքում մեր ներդրմանը, ապա այն սահմանափակվել է ճանաչողական շփումներով»,- ասել է նախարարը:
Նրա խոսքով՝ այս ամիս ակնկալվում է Հայաստանի և Ադրբեջանի ԱԳ նախարարների հերթական շփումը ԵԱՀԿ Մինսկի խմբի համանախագահների հետ:
«Կարծում եմ՝ կկարողանանք աջակցել հակամարտության կարգավորմանը, որն արդեն հնացել է, սակայն լիովին ենթակա է լուծման՝ Երևանի և Բաքվի բարի կամքի դրսևորման և միջազգային հանրության, այդ թվում` համանախագահների աջակցության դեպքում»,- նշել է Լավրովը:
Բացի այդ, ՌԴ ԱԳ նախարարը հակամարտության հանգուցալուծում գտնելու պատրաստակամության մասին Բաքվից հնչող հայտարարություններն աջակցության արժանի է անվանել:
«Հուսով ենք՝ մեր հայ ընկերները փոխադարձությամբ կպատասխանեն»,- հավելել է ՌԴ ԱԳ նախարար Սերգեյ Լավրովը:
Հիշեցնենք, որ ավելի վաղ մեկնարկել է ՀՀ և Ադրբեջանի ԱԳ նախարարների հանդիպումը:
https://mamul.am/am/news/141769/%C2%AB%D5%B0%D5%B8%D6%82%D5%BD%D5%B8%D5%BE-%D5%A5%D5%B6%D6%84%D5%9D-%D5%B4%D5%A5%D6%80-%D5%B0%D5%A1%D5%B5-%D5%A8%D5%B6%D5%AF%D5%A5%D6%80%D5%B6%D5%A5%D6%80%D5%A8-%D6%83%D5%B8%D5%AD%D5%A1%D5%A4%D5%A1%D6%80%D5%B1%D5%B8%D6%82%D5%A9%D5%B5%D5%A1%D5%B4%D5%A2-%D5%AF%D5%BA%D5%A1%D5%BF%D5%A1%D5%BD%D5%AD%D5%A1%D5%B6%D5%A5%D5%B6%C2%BB-%D5%AC%D5%A1%D5%BE%D6%80%D5%B8%D5%BE%D5%A8%D5%9D-%D5%AC%D5%B2-%D5%B0%D5%AB%D5%B4%D5%B6%D5%A1%D5%AD%D5%B6%D5%A4%D6%80%D5%AB-%D5%B4%D5%A1%D5%BD%D5%AB%D5%B6
